Þeistareykir ehf
Sími 8994028
Litlagerði 2
640 Húsavík
Netfang: hreinn.h@simnet.is
Starfsmenn Þeistareykja ehf
Hreinn Hjartarson verkefnisstjóri
Stjórn Þeistareykja ehf 2010 er þannig skipuð:
Agnar Ólsen
Ásvaldur Ævar Þormóðsson
Bergur Elías Ágústson
Bjarni Bjarnason
Einar Mathiesen
Jón Helgi Björnsson
Stefán Pétursson
Varastjórn skipa:
Árni Benediktsson
Bjarni Pálsson
Ólína Arnkelsdóttir
Sigurjón Benediktsson
Þeistareykir ehf var stofnað 28 apríl 1999 og hafði undirbúningur að stofnun félagsins staðið yfir frá miðju ári 1998. Megintilgangur með stofnun félagsins var að hefja orkurannsóknir á þeistareykjum og stuðla með því að fá orkufrekum iðnaði á norðausturland. Stofnaðilar að Þeistareykjum ehf voru:
Orkuveita Húsavíkur 40%
Hita- og vatnveita Akureyrar 20%
Rafveita Akureyrar 20%
Aðaldælahreppur 10%
Reykdælahreppur 10%
Sumarið 1999 hófst leit að hentugu vatni til að nota sem borvatn við háhitaborun. Boraðar voru þrjár ríflega 100 m djúpar könnunarholur, fyrstu tvær holurnar gáfu um 100°C heitt vatn sem ekki hentar sem borvatn, en sú þriðja sem boruð var rúmlega 2 km norður af Þeistareykjaskála gaf mikið magn af 27°C heitu vatni sem hentar vel í borvatnsveitu.
Á árinu 2000var boruð 10” kaldavatnshola u.þ.b 2.km norður af Þeistareykjum.
Fyrsta djúpa rannsóknarholan (ÞG1) á þeistareykjum var boruð 2002 og var holunni valinn staður rétt SV af Þeistareykjaskála. Holan er bein og um 1950 m djúp og er afl holunnar rétt um 6 MWraf og er hæsti hiti í holu rétt undir 340°C.
Á árinu 2003 var boruð önnur kaldavatnshola og ný 1720 m. djúp háhitahola (ÞG2). Hitinn í háhitaholunni reyndist vera um 210 °C niður í 1500 m. og hækkaði þar fyrir neðan í um 240°C á 1700 m. dýpi. Viðræður hófust við Atlandsál um hugsanlega orkusölu til álvers á Norðurlandi.
Á árinu 2005 hófust svokallaðar TEM viðnámsmælingar ásamt frekari jarðfræðikortlagningu á Þeistareykjum. Með TEM viðnámsmælingum er hægt að viðnámsmæla jarðlög niður í allt að 800 m. dýpi og áætla stærð jarðhitasvæðisins á því dýpi.
1 september 2005 keypti Landsvirkjun tæp 32% eignarhlut í Þeistareykjum ehf og skiptist hlutafé í félaginu eftir kaupin, þannig á milli hluthafa í félaginu:
Orkuveita Húsavíkur ehf 31,971 %
Norðurorka hf 31,971 %
Landsvirkjun 31,971 %
Þingeyjarsveit 3,646 %
Aðaldælahreppur 0,441 %
Með innkomu Landsvirkjunar fylgdi metnaðarfull áætlun um rannsóknir á jarðhita á NA-landi vegna orkusölu til stórnotanda á svæðinu.
Á árinu 2005 hófust viðræður við ALCOA um byggingu álvers á norðurlandi.
Þriðja háhitaholan á þeistareykjum var boruð 2006. Holan er bein og um 2659 m djúp. Lítil lekt var í holunni og er afl holunnar rétt um 6 MWraf og er hæsti hiti í holu rétt um 370°C.
Haldið var áfram vinnu við TEM viðnámsmælingar og hafinn undirbúningur við skipulag háhitasvæða í Þingeyjarsýslum.
Á árinu 2007 voru boraðar tvær skáholur frá sama borplani og ÞG1, önnur holan ÞG4 var boruð til SA undir Bæjarfjall og er holan 2240 m löng og er afl holunnar rétt um 16 Mwraf og er hæsti hiti í þessari holu rétt um 340°C. ÞG5 var boruð til vesturs og var tilgangur holunar að skoða hita djúpt undir holu ÞG2. Ekki tókst að halda réttri stefnu í boruninni og er botn holunnar á svipuðum stað og svipuðu dýpi og ÞG2.
Þetta sama ár var 450 m. djúp í kjarnaholu við Togarahellir. Tilgangur kjarnaholunnar var að staðfesta háhitasvæði á vesturhluta Þeistareykjasvæðis á 600-800 m. dýpi. Ekki tókst að ná áætlaðri dýpt og reyndist botnhiti í holu vera um 180°C.
Undirbúningur var hafin að umhverfismati og verkhönnun virkjunar á árinu 2007.
Á árinu 2008 var ÞG5 endurboruð og er holan nú 2499 m löng , 2369 m. djúp og er botn holunnar 629 m. vestur af holutopp. ÞG 6 var boruð af sama borplani og ÞG3, rétt undir Ketilfjalli og er 2799 m löng og boruð til VNV. ÞG5 og ÞG6 gefa nú ríflega 16 MWraf. Heildaraflgeta borholna á Þeistareykjum er nú ríflega 45 MWraf.
Unnið var að verkhönnun og umhverfismati fyrir virkjun á Þeistareykjum á árinu 2008 og líkur þeirri vinnu á árinu 2009.
Drög að tillögu að matsáætlun fyrir 200 MW virkjun á Þeistareykjum var lögð fram í febrúar 2009. Í tillögunni er fyrirhugaðri framkvæmd og framkvæmdasvæði lýst. Fjallað er um þá umhverfisþætti sem teknir verða fyrir í matinu. Einnig er tilgreint hvaða gögn eru fyrir hendi sem nýtt verða við matið.
Sumarið 2009 var farið í mjög umfangsmiklar viðnámsmælingar á Þeistareykjum til að ná fram sem heilstæðastri mynd af jarðhitasvæðinu. Unnið verður úr mælingunum veturinn 2009-2010 og munu niðurstöður liggja fyrir sumarið 2010.
Borholur ÞG4, ÞG5 og ÞG6 voru í blástursprófaðar á fyrrihluta ársins 2009
30 desember 2009 keypti Landsvirkjun tæpan 32% eignarhlut Norðurorku í Þeistareykjum ehf og skiptist hlutafé í félaginu eftir kaupin, þannig á milli hluthafa í félaginu:
Landsvirkjun 63,942 %
Orkuveita Húsavíkur ehf 31,971 %
Þingeyjarsveit 4,087 %
